Yaad lyrics by Muhmmad Samie
LYRICS:
Dil woh abaad nahi jis mein teri yaad nahin
Hai woh kafir jo teri raah mein barbaad nahin
Dard ka had se guzarnaa hai davaa ho jaanaa
Ishrat-e-qatra hai dariyaa mein fanaa ho jaanaa
Meri mai’raaj-e-sukhan zikr tera sham-o-sahar
Meri hasti ki baqa tujh mein fana ho jaanaa
Ay gham-e-yaar tere dam se hai ta’meer-e-hayat
Tu salamat hai to hasti meri barbaad nahin
Us ki hasrat hai jise dil se mita bhi na sakun
Dhundne us ko chala hun jise paa bhi na sakun
Dhundne ko tujhe ay mere na milne wale
Woh chala hai jise apna hi pata yaad nahin
Jaam jab peene lage mu se kaha bismillah
Yeh na samjhe koi rindon ko Khuda yaad nahin
Sar hai sajday mein tera dil mein talab hooron ki
Falsafa rasm-e-ibaadat ka tujhe yaad nahin
Khaak urhao keh yeh woh daor-e-sitam hai logo
Sab ko sab ki hai khabar, apna kiya yaad nahin
